Fərdi məlumatların işlənməsi və saxlanmasına dair saziş

21 сентября 2020

Fərdi məlumatların işlənməsi və saxlanmasına dair saziş

21 sentyabr 2020-ci il tarixli aktual redaksiya

1. Ümumi müddəalar

Bu saziş (bundan sonra – “Saziş” adlandırılacaq) “Aviaseyls Media” MMC (ƏDQN 1187746844768, yerləşdiyi ünvan: 125196, Moskva şəh., Lesnaya küç., ev 7, 11-ci mərtəbə, otaq 63) ilə birlikdə Aviasales xidmətinin sahibi Honkonq korporasiyası olan Go Travel Un Limited (bundan sonra – “Operator” adlandırılacaq) tərəfindən təsdiq edilmiş sənəddir və Aviasales onlayn-xidmətinin yerləşdirildiyi https://www.aviasales.az ünvanında yerləşdirilmiş saytın və onun altdomenlərinin (bundan sonra – “Sayt” adlandırılacaq) İstifadəçilərinin fərdi məlumatlarının və digər informasiyasının toplanması, işlənməsi, saxlanması və mühafizəsi qaydasını müəyyən edir.

Saziş, həmçinin domen zonasının milli xüsusiyyətləri nəzərə alınmaqla, Saytın yuxarı səviyyəli domenlərinə da şamil edilir.

Saziş – bu sənəd, onun bütün əlavələri, dəyişiklikləri və bu sənəddə qeyd edilmiş, Aviasales onlayn xidmətinin istifadə Qaydalarına uyğun olaraq Saytın istifadəsi zamanı İstifadəçi ilə bağlanılan müqavilənin ayrılmaz hissəsi olan mütləq sənədlərdir.

Aviasales – aviabiletlər, otellər, sığorta, habelə turizm xidmətləri bazarının satıcıların saytlarında əldə edilməsi mümkün olan digər xidmət və təklifləri barədə informasiyanın axtarışı üçün nəzərdə tutulmuş və onların əldə edilməsi məqsədi ilə axtarışı asanlaşdıran (avtomatlaşdıran), səyahətlər barədə yeniliklər və faydalı məlumatların olduğu bloqu, marketinq və reklam layihələrini ehtiva edən onlayn xidmətdir.

İstifadəçi – Saytı ziyarət edən, Sazişin şərtlərini qəbul edən, tam fəaliyyət qabiliyyətinə malik olan, internetdə şəxsi elektron poçt ünvanına, giriş hüququ öz sərəncamında olan fərdi kompüterə və/və ya mobil qurğuya malik olan fiziki şəxsdir.

Operator – müstəqil olaraq və ya onun şəxslər qrupuna daxil olan digər hüquqi şəxslərlə birlikdə fərdi məlumatların işlənməsini təşkil edən və (və ya) həyata keçirən, habelə fərdi məlumatların işlənməsinin məqsədlərini, işlənməli olan fərdi məlumatların tərkibini, fərdi məlumatlarla yerinə yetirilən hərəkətləri (əməliyyatları) müəyyən edən "Aviaseyls Media" Məhdud Məsuliyyətli Cəmiyyətidir.

Fərdi məlumatlar – saytda Operator tərəfindən avtomatik olaraq işlənilən, birbaşa və ya dolayısı ilə müəyyənləşdirilən İstifadəçiyə aid edilən və ya Aviasales xidmətində, xüsusən də Vk, Facebook, Twıtter, Ok.ru sosial şəbəkələri və ya Google, mail.ru, Yandeks, Apple, Line Wechat hesabları vasitəsilə avtorizə olunarkən, habelə Saytın sonrakı istifadəsi prosesində İstifadəçi tərəfindən müstəqil şəkildə təqdim edilən hər hansı informasiyadır.

Hesab (Şəxsi kabinet) – Saytın, avtorizə olunduqdan sonra İstifadəçinin giriş imkanı əldə etdiyi fərdi bölməsidir. Hesab Saytın sonrakı istifadəsinin rahatlığı, Saytın mövcud funksional imkanlarını və Aviasales xidmətinin İstifadə Şərtlərini nəzərdən keçirmək və onları idarə etmək məqsədi ilə İstifadəçinin məlumatlarını saxlamaq üçün nəzərdə tutulmuşdur.

2. Fərdi məlumatların və İstifadəçinin məlumatlarının işlənilməsinin məqsədləri

Operator İstifadəçiyə Saytın tam funksionalının təqdim edilməsi və Aviasales onlayn xidmətindən istifadə Qaydalarına uyğun olaraq onun iş qabiliyyətinin qorunub saxlanması üzrə öhdəliklərin yerinə yetirilməsi məqsədi ilə Fərdi məlumatları işləyir. Xüsusilə, aşağıdakı məqsədlər üçün:

  • Saytda avtorizə olunmaq və ya qeydiyyatdan keçmək, o cümlədən Hesabın qoşulması məqsədilə;
  • Aviasales onlayn xidmətinin İstifadəçinin maraqlarında istifadə edilməsi üzrə müqavilənin yerinə yetirilməsi üçün Sayta giriş imkanının təqdim edilməsi;
  • Saytda reklamın göstərilməsi, Avisales olayn xidmətinə və turizm xidmətləri bazarına aid olan reklam məlumatlarının, məsələn aviabiletlərin endirimləri və ya oynanılması barədə, eləcə də Operatorun tərəfdaşlarının digər təkliflərinə dair məlumatların İstifadəçiyə göndərilməsi və elektrik rabitə şəbəkələri (o cümlədən mobil rabitə və elektron poçt vasitəsilə) üzrə reklam məlumatlarının alınması;
  • İstifadəçinin təqdim etdiyi əlaqə məlumatları üzrə rabitə şəbəkələri vasitəsilə İstifadəçi ilə birbaşa əlaqələrin həyata keçirilməsi yolu ilə bazarda Aviasales saytının və onun funksionalının irəlilədilməsi;
  • Saytın işinin optimallaşdırılması üçün Aviasales onlayn xidmətinin istifadəsinə dair daxili marketinq, statistik və analitik tədqiqatların keçirilməsi;
  • Aviasales xidmətinin istifadəsi və bu Saziş üzrə suallarla əlaqədar İstifadəçilərin dəstək xidmətinə müraciətlərinə baxılması;
  • Saytın proqram kompleksinin üçüncü şəxslərin hər hansı müdaxiləsindən, fırıldaqçılıq məqsədi ilə istifadə edilmədən mühafizəsi, Avisales xidmətinin təyinatı üzrə istifadə edilməməsi və / və ya Qaydaların pozulması ilə istifadə edilməsi faktlarının aşkarlanması.

3. Fərdi məlumatların və digər informasiyanın işlənilməsi üçün əsaslar

Fərdi məlumatların işlənilməsi Avisales onlayn xidmətinin istifadəsi haqqında oferta əsasında, eləcə də İstifadəçinin razılığı ilə həyata keçirilir.

İstifadəçi Saytdan istifadə edərkən, müstəqil olaraq, sərbəst şəkildə, öz iradəsi ilə və öz maraqlarında özünün Fərdi məlumatlarının və digər informasiyasının işlənilməsi üçün məlumatlandırılmış razılığı onların işlənilmə məqsədinə nail olunana və ya razılıq geri götürülənə qədər Operatora təqdim edir. Aviasales xidmətindən istifadə etməklə və / və ya Saytda qeydiyyatdan keçməklə, marketinq və reklam layihələrində iştirak etməklə, eləcə də Aviasales xidmətinin dəstək xidmətinə müraciət etməklə İstifadəçi bu Sazişlə razılaşır, bu Sazişin mətni əvvəlcədən tanış olmaq üçün Saytda istinad üzrə və avtorizə olunarkən mətn və hiperistinadı ehtiva edən elan şəklində mövcuddur: "Avtorizə olunmaqla, siz xidmətin istifadə qaydalarıfərdi məlumatların işlənilmə qaydaları ilə razılaşırsınız"

İstifadəçi Fərdi məlumatların işlənilməsinin dayandırılması və onların silinməsi, o cümlədən Hesabın silinməsi, Hesabı qeydiyyatdan keçirmədən reklam və marketinq layihələrində iştirakla əlaqədar əldə edilmiş məlumatların və hər hansı digər məlumatların silinməsi üzrə sorğunu Operatora help@aviasales.az ünvanına göndərməklə, özünün Fərdi məlumatlarının işlənilməsinə dair razılığını istənilən vaxt geri götürə bilər.

Operator qüvvədə olan və tətbiq edilən qanunvericiliyə uyğun olaraq İstifadəçinin saxlanılması zəruri olan məlumatlarını silməmək hüququna malikdir. Bu halda Operator bu cür məlumatları özünün verilənlər bazası sistemlərində şəxssizləşdirilmiş şəkildə saxlayır.

Operator İstifadəçilər barədə məlumatların tamlığına və aktuallığına görə məsuliyyət daşımır. İstifadəçi təqdim etdiyi Fərdi məlumatları istənilən vaxt öz Hesabında müstəqil olaraq və ya müvafiq sorğunun göndərilməsi yolu ilə redaktə etmək hüququna malikdir.

4. İşlənilən Fərdi məlumatların həcmi və kateqoriyaları

Operator İstifadəçidən qəbul edilmiş aşağıdakı məlumatları işləyə bilər:

Aviasales onlayn xidmətinin istifadəsinə dair müqavilə çərçivəsində, sadələşdirilmiş bron etmə funksiyası da daxil olmaqla, İstifadəçinin müstəqil olaraq təqdim etdiyi

  • adı, soyadı, cinsi, pasport məlumatları, doğum tarixi, vətəndaşlığı;
  • elektron poçt ünvanı;
  • telefon nömrəsi;

İstifadəçinin Saytı ziyarət etdiyi zaman avtomatik olaraq işlənilən

  • IP ünvanı, sosial şəbəkədə ID (eyniləşdirmə nömrəsi), cookie - fayllar və Sazişin 5-ci bölməsinə müvafiq olaraq analoji texnologiyalar, İstifadəçinin internet-brauzerlərinin və qurğularının parametrləri və nizamlamaları;
  • İstifadəçinin xidmətin funksiyalarından istifadəsinə dair statistik məlumatlar, eləcə də digər texniki informasiya, məsələn, axtarış üçün istiqamətlər.

Operator İstifadəçilər barədə məlumatların tamlığına və aktuallığına görə məsuliyyət daşımır. İstifadəçi təqdim etdiyi Fərdi məlumatlarını istənilən vaxt müstəqil şəkildə öz Hesabında redaktə etmək hüququna malikdir.

5. Cookie-fayllar və analoji texnologiyalar

Cookie-fayllar və analoji texnologiyalar – Saytı ziyarət edərkən və ya Saytdan istifadə edərkən İstifadəçinin qurğusuna quraşdırılan mətn fayl-identifikatorları şəklində kiçik məlumat fraqmentləridir. Cookie-fayllar və analoji texnologiyalar xidmətdən istifadə zamanı İstifadəçilərin yerinə yetirdikləri hərəkətlər barədə məlumatları, məsələn, Hesabda avtorizə olunma və ya Saytın dilinin seçilməsi barədə məlumatları yadda saxlamaqla, Saytın və Saytda reklam məlumatlarının göstərilməsinin nizamlamalarını fərdiləşdirməyə, Aviasales onlayn xidmətini İstifadəçilər üçün daha rahat və daha optimallaşdırılmış etməyə imkan verirlər.

İşlənilmənin məqsədlərinə nail olmaq üçün saytda istifadə edilən cookie-faylların (o cümlədən üçüncü şəxslərin cookie-fayllarının və analoji texnologiyalarının) növləri:

  • Mütləq cookie-fayllar – bu cookie-fayllar olmadan Aviasales onlayn xidmətini və onun ayrı-ayrı funksiyalarını Qaydalara və Operatorun digər öhdəliklərinə uyğun olaraq istifadə etmək mümkün deyildir.
  • Funksional cookie-fayllar – bu cookie-fayllar Aviasales onlayn xidməti ilə qarşılıqlı fəaliyyət zamanı İstifadəçilərin təcrübəsini fərdiləşdirməyə və onu daha rahat etməyə, eləcə də Saytda davranışı təhlil etməyə kömək edirlər.
  • Reklam cookie-faylları – reklam cookie-fayllarının köməyi ilə İstifadəçilər Saytda daha fərdiləşdirilmiş reklama baxa və gələcəkdə reklamın, o cümlədən üçüncü şəxslərin və ya Google və yaxud Yandeks kimi reklam platformalarının reklam elanlarının göstərilməsinə təsir edə bilərlər.

İstifadəçi brauzerin (məsələn, Chrome və ya Safari) və yaxud vasitəsilə Sayta girişin həyata keçirildiyi qurğunun konfiqurasiyalarında, eləcə də cookie-faylları Saytda istifadə edilən Yandeks.MetrikaGoogle Analytics kimi reklam platformalarının səhifələrində cookie-faylların işini müstəqil olaraq nizamlamaq hüququna malikdir. Quraşdırılmaların nizamlanması və cookie-faylların silinməsi barədə informasiya brauzerin və ya İstifadəçinin qurğusunun arayış bölmələrində təqdim edilir.

Müəyyən cookie-faylların silinməsi və ya quraşdırılmasının qadağan edilməsi Aviasales onlayn xidmətinin və ya onun ayrı-ayrı hissələrinin funksionalından istifadənin qeyri-mümkünlüyünə səbəb ola bilər.

6. Fərdi məlumatların işlənilmə qaydası

Fərdi məlumatların işlənilməsi Operator və onun tapşırığı ilə üçüncü şəxslər tərəfindən fərdi məlumatların toplanması, yazılması, sistemləşdirilməsi, yığılması, saxlanması, dəqiqləşdirilməsi (yenilənmə, dəyişdirilmə), çıxarılması, istifadə edilməsi, ötürülməsi (yayılma, təqdim edilmə, giriş imkanı), şəxssizləşdirilməsi, bloklanması, silinməsi və məhv edilməsi kimi hərəkətlərin yerinə yetirilməsi yolu ilə həyata keçirilir. Fərdi məlumatların işlənilməsi həm avtomatlaşdırılmış, həm də avtomatlaşdırılmamış üsulla həyata keçirilə bilər.

Fərdi məlumatların işlənilməsi zamanı Operator daxili qaydalara və məlumatların mühafizəsi sahəsində tətbiq edilən qanunvericiliyə uyğun olaraq onların icazəsiz girişdən və yayılmadan mühafizəsini təmin edir.

Saytın texnologiyasının və ya İstifadəçinin istifadə etdiyi brauzerin və ya qurğunun nizamlamalarının Saytın digər İstifadəçiləri və ya İnternet şəbəkəsinin istənilən istifadəçiləri ilə açıq informasiya mübadiləsini nəzərdə tutduğu hallar istisna olmaqla, İstifadəçinin Fərdi məlumatlarının məxfiliyi qorunub saxlanılır. Operator İstifadəçinin Fərdi məlumatlarını və ya İstifadəçi barədə digər məlumatları istintaq və təhqiqat orqanlarına, habelə digər səlahiyyətli orqanlara qüvvədə olan qanunvericilikdə nəzərdə tutulmuş əsaslar üzrə açıqlamaq hüququna malikdir.

Operator bu Sazişdə təyin edilmiş məqsədlərə nail olunması üçün Fərdi məlumatların üçüncü şəxslərə ötürülməsini, o cümlədən xarici dövlətin ərazisinə xarici hüquqi şəxsə transsərhəd ötürülməsini həyata keçirə bilər. Operator bu Sazişin və qüvvədə olan qanunvericiliyin standartlarına uyğun olaraq bu cür şəxslər tərəfindən Fərdi məlumatların mühafizəsi üzrə tədbirlərə əməl edilməsinə zəmanət verir.

İşlənilmənin qarşıya qoyulmuş bütün məqsədlərinə nail olunduqda və ya İstifadəçi Fərdi məlumatların işlənilməsi üçün razılığını geri götürdükdə, məlumatların yerləşdiyi yerdən asılı olmayaraq, İstifadəçinin Fərdi məlumatlarının bütün üçüncü şəxslərdə məhv edilməsinə zəmanət verilir.

7. Yekun müddəalar

Bu Saziş Rusiya Federasiyasının və Azərbaycan Respublikasının qanunvericiliyinə uyğun olaraq tənzimlənir və təfsir edilir və bütün İstifadəçilər üçün qüvvədədir. Sazişdə tənzimlənməmiş bütün məsələlər tətbiq edilən qanunvericiliyə uyğun olaraq həll edilməlidir. Sazişin qüvvədə olan versiyası Operator tərəfindən Azərbaycan Respublikasının "Fərdi məlumatlar haqqında" 11 may 2010-cu il tarixli 998-IIIQ nömrəli Qanununun aktual redaksiyasına əsasən işlənib hazırlanmışdır.

Saziş Operator tərəfindən dəyişdirilə bilər. Sazişin yeni redaksiyası https://www.aviasales.az/privacy
ünvanında yerləşdirildiyi andan qüvvəyə minir. Dəyişikliklər edildikdə aktual redaksiyada sonuncu yenilənmənin tarixi göstərilir.

Saytda Fərdi məlumatların işlənilmə qaydası və bu Sazişlə əlaqədar bütün məsələlər üzrə Aviasales xidmətinin dəstək xidmətinə help@aviasales.az və ya legal@aviasales.ru elektron poçt ünvanları üzrə müraciət etmək lazımdır, eləcə də Operatorun yerləşdiyi yer üzrə məktub da göndərmək mümkündür.